لأول مرة بعد اختفاء مرسى أكثر من 4 أشهر ظهر مرتديًا ملابس أنيقة؛ ليخرج من ''الميكروباص'' حريصًا على ضبط ملابسه، والظهور بثبات أمام الكاميرات والحضور، في ثوانٍ قليلة للقطات بثها التليفزيون المصري من جلسة المحاكمة.
''إزاي يودو مرسي المحاكمة في ميكروباص!.. خلاص مبقاش في احترام''.. هكذا تندر ''مجدي'' على موقع ''تويتر''، تعليقاً على وصول مرسي إلى المحكمة مستقلًا ''ميكروباص''.
وعلق عدد آخر من نشطاء مواقع التواصل الاجتماعي على الأمر.
''يعنى مبارك يجي في طيارة ومرسي يجي في ميكروباص؟! ده كان ناقص يجيبوا فى توك توك كمان''.. هكذا علق ''أحمد'' على الأمر.
بينما كان الأمر محل ضيق بعض النشطاء من مؤيدي مرسي؛ فعلق ''عيد إبراهيم'':'' يا ولاد المفترية.. جايبينه في ميكروباص.. ليه؟!.. ظابطين نشال في موقف رمسيس ؟!''.
وعلق ''عبد العزيز حاتم'': ''واحد مخلوع فاسد بيجي في طيارة والتاني منتخب شرعي بيجي في ميكروباص''.
وقال ''عبد الرحمن وائل'': ''هو مرسي طبال في فرح شعبي عشان يروح المحاكمة في ميكروباص''، وقال تعليق آخر :'' سيشهد التاريخ أن المعزول محمد مرسي أول رئيس يروح المحكمة في ميكروباص''.
وعلق ''وليد'' متهكمًا :'' بيقولوا السواق اللي نقل مرسى للمحاكمة كان مشغل تسلم الأيادي''، وقال ''زيزو'': ''أول ميكروباص مدني منتخب''، وقال الكاتب ''وائل عبد الفتاح'': ''والمرسي اليوم كان أول رئيس ينزل من ميكروباص متمهلًا ليرسم نفسه في وضع رئاسي''.
ليست هناك تعليقات:
إرسال تعليق